JewishStatusOpen the app

בקיצור · Sep 11, 2026

בקיצור — video status

היינט ווערט אפגעצייכנט גאנצע 25 יאר פון ווען די פאראייניגטע שטאטן איז געקומען אונטער אטאקע פון דער טרויעריג בארימטע אל קאידע טעראר גרופע. 4 פאסאזשיר עראפלאנען זענען געהייזשעקט געווארן דורך טעראריסטן, מיט צוויי פליגערס וואס זענען אריינגעפלויגן אין די צווילינג טורעמס, איינס אין די פענטאגאן, און די פערטע האט געזאלט אריינקראכן אין די ווייסע הויז אבער די העלדישע פאסאזשירן האבן געקעמפט קעגן די היידזשעקער און זיי נישט געלאזט אריינפירן דעם פליגער אינעם ווייסן הויז, פירנדיג אז דער פליגער זאל קראכן אויף א ליידיגע פעלד אין פענסילוועניע. אונטער דעם גרויזאמע אטאקע איז געשטאנען אסאמא בין לאדין, און האט געקאסט די לעבנס פון 2,977 מענטשן, בשעת טויזנטער זענען שווער פארוואונדעט געווארן און פילע האבן געליטן שווערע לאנג-טערמיניגע געזונטהייט קאמפליקאציעס. די אטאקעס האבן איבערגעפארבט אמעריקע'ס אויסערן און זיכערהייט פאליסי, פירנדיג צו א גלאבאלע קאנפליקט קעגן טעראר וואס וועט זיך ציען פאר איבער צוואנציג יאר. 9/11 בלייבט איינגעקריצט אלס דער גרעסטע און טויטליכסטע טעראריסטישע אטאקע אין דער וועלט'ס היסטאריע. - פאר "בקיצור" אויף וואטס

Watch in the app All of בקיצור's statuses

More from בקיצור