צום פינטל · Nov 17, 2026
צום פינטל — text status
לויט די דערווייל אומבאשטעטיגטע באריכטן, רעדט מען גאר פון איינפירן די זעלבע ביטערע סעלעקציע, אז א קינד וועמענס טאטע קען נישט באצאלן שכר לימוד זאל חלילה בלייבן אינדרויסן פון די חדר טירן! רבותי, וואו זענען מיר אנגעקומען?! איז דען א אידיש קינד שולדיג אז זיין טאטע מוטשעט זיך מיט פרנסה?! איז דאס דער דרך התורה? איז דאס אהבת ישראל? א קליינער חדר ווערט נישט גרויס דורך נאכמאכן די וואס צאפן בלוט פון אידן! א חדר ווערט גרויס דורך תורה, יראת שמים, רחמנות און א ווארעם אידיש הארץ! דער מאנסיער ציבור איז גרייט זיך אנצונעמען פאר די הייליגע תשב"ר! מיר וואונטשן דעם חשובן רבי א רפואה שלימה מן השמים, און האפן אז די באריכטן וועלן זיך ארויסווייזן אלס נישט ריכטיג. נאך פרטים וועלן נאכפאלגן!
