Expert status · Oct 26, 2026
Expert status — video status
מיליטערישע קרעפטן וואס אפערירן אין חברון האבן אנטדעקט אן אונטערערדישע טונעל 15 מעטער טיף, נאנט צום הויז פון איינעם פון די טעראריסטן וואס זענען געווען פארמישט אין די שרעקליכע אטאקע דעם פארגאנגענעם פרייטאג, וואו עס זענען ליידער אומגעקומען די זעלנער סערזשאנט רון יונתן רייטמאן הי"ד און סערזשאנט יובל שי סווילם הי"ד. די טונעל איז געפונען געווארן דורכאויס ברייטע זוכערייען וואס זענען דורכגעפירט געווארן ביי איבער 500 פארשידענע לאקאציעס. אינעווייניג אינעם טונעל האט מען געפונען אן עלעקטראנישע דעווייס, וואס איז גלייך איבערגעגעבן געווארן פאר ווייטערדיגע אויספארשונגען. די מיליטער האט געמאלדן אז די טונעל האט נישט געהאט קיין ארויסגאנג, און עס איז נישט געווען נאנט צו קיין שום אידישע ישובים אין די געגנט. Expert status: https://wa.me/message/72T5WL3QNO7RO1
